ABG Tega Maehan Nini-nini


Dua rumaja awewe nu disangka maehan nini-nini di Surabaya, Maya (17) jeung Hikma (17), ti Jalan Tuwowo I, Surabaya, bakal keuna hukuman 20 taun penjara nepi ka hukuman maot. Kapolres Surabaya Utara AKBP Samudi ngajelaskeun, dua rumaja eta keuna pasal ngalapis nyaeta 265 KUHP, 352 KUHP, jeung 340 KUHP. “Ancaman hukumanna 20 taun penjara nepi hukuman maot,” ceuk Samudi.

Maya katut Hikma, sanggeus ngadenge ancaman hukum saumur hirup eta heunteu nolak. “Tapi idinan kuring menta dihampura ka kulawarga korban jeung kulawarga kuring,” ceuk Maya bari ceurik.

Maya jeung Hikma ngarencanakeun maehan Zaridah Surip Kartono (70) warga Jl. Jedong/64 Tambaksari, Senen (22/3) peuting. “Kuring mah ngan ukur rek maok perhiasanana, teu nepi maehan ibu kos. Soalna ibu eta apaleun ka kuring (maok),” omongan Maya anu ngaku ngan ukur gawe jadi sales promotion girl (SPG) tea.

Maranehna maehan si nini make cara ngabeukeum baham si nini ku bantal jeung nakolkeun pompa angin kana awak korban. Sanggeus si nini maot, cingirna diteukteuk keur nyokot alina. Maya neukteukna siga motongan daging hayam. Hikma metot anting kenca si nini. Ali jeung anting payu dijual 1,6 juta perak. “Duit eta dipake keur ongkos balik ka Malang jeung mayar hutang 800 rebu perak,” ceuk Maya nu ngakuna lulusan SMP di Malang. Ceuk Maya, manehna balik ka Malang jeung Hikma téh keur nyumput. “Sugan téh pulisi moal apaleun,” ceuk Maya. Nangkep teroris ge beunang, komo nangkep amatiran siga eneng-eneng mah, céték!*

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s