Raksukan Batik


Bieu kuring papanggih deui jeung aki-aki tukang koran anu sok mangkal di pos karcis parkir Istana Plaza, Bandung. Poe ieu dandanna rada necis, make batik. Mun si aki PNS mah, salah jadwal make batikna, hehe. Apanan kuduna mah poe Kemis atawa Jumaah. Teuing aya acarana naon, nu matak si aki gaya poe ieu.

Nempo warugana anu geus bongkok asa teu wasa kudu gawe siga kitu keneh. Nanggeuy koran, ti isuk nepi ka peuting. Malah mah tara malire poe keur panas atawa hujan.

Si aki ngakuna urang Gunung Batu, Padalarang. Kuring geus nempo manehna dagang koran ti saprak kuring SMP. Harita si aki masih sok ngaboseh sapedah nganteurkeun koranna teh. Lantaran umur jeung awak, ayeuna eta sapedah dipangsiunkeun, tapi si aki teu milu pangsiun.

Obrolan kuring basa harita lebarna kapegat peuting. Kuring kudu buru-buru mulang ka imah. Sanajan ngobrol pondok, kuring ngarti yen awak jeung umur lain halangan neang rijki halal. Teu kudu punta-penta ka batur oge da rijki ti Alloh mah geus aya. Tinggal urangna nu kudu keyeng mapagna. *** Powered by Telkomsel BlackBerry®

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s